പുതുപ്പള്ളിയില്‍ ഉമ്മന്‍ ചാണ്ടിക്ക് ആദരാഞ്ജലി അര്‍പ്പിച്ചുള്ള ബോര്‍ഡുകള്‍ മാറ്റണമെന്ന് സി പി എം

പുതുപ്പള്ളി | ഉപ തിരഞ്ഞെടുപ്പ് നടക്കാനിരിക്കുന്ന പുതുപ്പള്ളി മണ്ഡലത്തില്‍ ഉമ്മന്‍ ചാണ്ടിക്ക് ആദരാഞ്ജലി അര്‍പ്പിച്ചുള്ള ഫ്‌ളക്‌സുകള്‍ക്കും ബോര്‍ഡുകള്‍ക്കുമെതിരെ സി പി എം. ആദരാഞ്ജലി അര്‍പ്പിച്ചുള്ള ബോര്‍ഡുകള്‍ തിരഞ്ഞെടുപ്പിനെ സ്വാധീനിക്കുമെന്നാണ് പാര്‍ട്ടി വിലയിരുത്തല്‍.

ബോര്‍ഡുകള്‍ നീക്കാന്‍ നടപടി സ്വീകരിക്കണമെന്ന് ആവശ്യപ്പെട്ട് സി പി എം തിരഞ്ഞെടുപ്പ് കമ്മീഷന് പരാതി നല്‍കിയേക്കും.

സി പി എം ഉമ്മന്‍ ചാണ്ടിയുടെ ഫ്‌ളക്‌സുകളെ പോലും ഭയക്കുകയാണെന്ന് പുതുപ്പള്ളിയിലെ യു ഡി എഫ് സ്ഥാനാര്‍ഥി ചാണ്ടി ഉമ്മന്‍ പ്രതികരിച്ചു. എന്റെ പിതാവ് മരണപ്പെട്ടപ്പോള്‍ കോണ്‍ഗ്രസ് മാത്രമല്ല, പല സംഘടനകളും ആദരാഞ്ജലി അര്‍പ്പിച്ച് ബോര്‍ഡുകള്‍ സ്ഥാപിച്ചിട്ടുണ്ടെന്നും ചാണ്ടി ഉമ്മന്‍ പറഞ്ഞു.

source https://www.sirajlive.com/cpm-wants-to-change-the-boards-paying-tribute-to-oommen-chandy-in-pudupally.html