പത്തനംതിട്ട | എം ഡി എം എയുമായി യുവാവിനെ പോലീസ് പിടികൂടി. അടൂര്‍ പെരിങ്ങനാട് പുത്തന്‍ചന്ത അയനിവിള വടക്കേവീട്ടില്‍ റിജോ രാജന്‍(24)നെയാണ് പോലീസ് സ്പെഷ്യല്‍ സ്‌ക്വാഡും അടൂര്‍ പോലീസും ചേര്‍ന്ന് ഹൈസ്‌കൂള്‍ ജംഗ്ഷനില്‍ നിന്നും പിടികൂടിയത്.
ചെറിയ പ്ലാസ്റ്റിക് കവറില്‍ സൂക്ഷിച്ചിരുന്ന 0.480 മില്ലീ ഗ്രാം എം ഡി എം എയാണ് ഇയാളില്‍ നിന്നും കണ്ടെത്തിയത്. രഹസ്യവിവരത്തെ തുടര്‍ന്ന് ഇയാളെ പോലീസ് നിരീക്ഷിച്ചുവരികയായിരുന്നു. സ്വന്തം ആവശ്യത്തിന് വാങ്ങിയതാണെന്ന് ഇയാള്‍ ചോദ്യം ചെയ്യലില്‍ സമ്മതിച്ചു. ഉറവിടം തുടങ്ങിയ കാര്യങ്ങള്‍ സംബന്ധിച്ച് കൂടുതല്‍ അന്വേഷണം നടത്തേണ്ടതുണ്ട്.
ഓണക്കാലത്തോടനുബന്ധിച്ച് ലഹരിവസ്തുക്കളുടെ കടത്തും വില്‍പനയും തടയുന്നതിന് ഊര്‍ജിതമായ നടപടികള്‍ പോലീസ് ജില്ലയില്‍ സ്വീകരിച്ചുവരികയാണ്. അടൂര്‍ പോലീസ് ഇന്‍സ്‌പെക്ടര്‍ ശ്രീകുമാര്‍, എസ് ഐ. മനീഷ് എന്നിവരുടെ നേതൃത്വത്തിലാണ് പരിശോധന നടന്നത്.
source https://www.sirajlive.com/young-man-arrested-with-mdma.html
Post a Comment