കോഴിക്കോട് | ലോക അറബി ഭാഷ ദിനത്തിനോടനുബന്ധിച്ച് നടന്ന ചടങ്ങില്‍ കാതിബ് അറബിക് മീഡിയ കളക്ടീവിന്റെ ലോഞ്ചിംഗ് ഇന്ത്യന്‍ ഗ്രാന്റ് മുഫ്തി കാന്തപുരം എ പി അബൂബക്കര്‍ മുസ്ലിയാര്‍ നിര്‍വ്വഹിച്ചു.
അറബിക് മാഗസിന്‍, അറബിക് ചാനല്‍, പോഡ്കാസ്റ്റിംഗ്, സര്‍ട്ടിഫിക്കറ്റ് കോഴ്‌സ്, ട്രെയിനിംഗ് പ്രോഗ്രാം തുടങ്ങിയ സംരംഭങ്ങളാണ് കാതിബിനു കീഴിലുള്ളത്.
അന്താരാഷ്ട്ര വൈജ്ഞാനിക- സാഹിത്യ വിനിമയങ്ങള്‍, ഗവേഷണങ്ങള്‍, മലബാറിന്റെ പൈതൃകം, ഇന്ത്യയുടെ ആഗോള വായന, അറബി ഭാഷാ വികാസം തുടങ്ങിയ ലക്ഷ്യങ്ങളോടെയാണ് കാതിബ് പ്രവര്‍ത്തിക്കുക. ഓണ്‍ലൈന്‍ -ഓഫ് ലൈന്‍ മോഡുകളില്‍ മാഗസിന്‍ ലഭ്യമായിരിക്കും.
ചീഫ് പാട്രണ്‍ ഡോ.എ പി മുഹമ്മദ് അബ്ദുല്‍ ഹകീം അസ്ഹരി പദ്ധതികള്‍ വിശകലനം ചെയ്തു. എസ് എസ് എഫ് ദേശീയ ജനറല്‍ സെക്രട്ടറി സി പി ഉബൈദുള്ള സഖാഫി, മദീനതുന്നൂര്‍ പ്രോ. റെക്ടര്‍ ആസഫ് നൂറാനി, പബ്ലിഷര്‍ യാസര്‍ നൂറാനി മായനാട്, എഡിറ്റര്‍ ഷഹീദ് അന്‍വര്‍ സഖാഫി തുടങ്ങിയവര്‍ സംബന്ധിച്ചു.
source https://www.sirajlive.com/katib-arabic-media-collective-launched-indian-grant-mufti.html
إرسال تعليق