തെങ്കാശി | ഡ്രൈവര്‍ ഉറങ്ങിപ്പോയതിനെ തുടര്‍ന്ന് കാര്‍ ട്രക്കിലിടിച്ചുണ്ടായ അപകടത്തില്‍ ആറുപേര്‍ മരിച്ചു. തമിഴ്നാട്ടിലെ തെങ്കാശിയില്‍ ഇന്ന് പുലര്‍ച്ചെയായിരുന്നു അപകടം. സിമന്റുമായി വന്ന ട്രക്കുമായാണ് കാര്‍ കൂട്ടിയിടിച്ചത്. മരിച്ച ആറു പേരില്‍ അഞ്ചു പേരെ തിരിച്ചറിഞ്ഞു. കാര്‍ത്തിക്, വേല്‍ മനോജ്, സുബ്രമണി, മനോഹരന്‍ , പോതിരാജ് എന്നിവരാണ് തിരിച്ചറിഞ്ഞ അഞ്ചു പേര്‍.
വാരാന്ത്യ അവധി ആഘോഷിക്കാന്‍ കുട്രാളത്ത് പോയ ശേഷം വീട്ടിലേക്ക് മടങ്ങുമ്പോഴാണ് അപകടം. പുലര്‍ച്ചെ 3.30 ഓടെ ഡ്രൈവര്‍ ഉറങ്ങി പോയെന്നാണ് കരുതുന്നത്. കേരളത്തിലേക്ക് സിമന്റുമായി വരികയായിരുന്ന ട്രക്കുമായി കൂട്ടിയിടിച്ചാണ് അപകടം. അഞ്ചു പേര്‍ സംഭവ സ്ഥലത്തും ഒരാള്‍ ആശുപത്രിയിലേക്കുള്ള യാത്രക്കിടയിലും മരിച്ചു. പോലീസും ഫയര്‍ഫോഴ്സും സ്ഥലത്തെത്തിയാണ് തകര്‍ന്ന കാറില്‍ നിന്ന് മൃതദേഹങ്ങള്‍ പുറത്തെടുത്തത്. മൃതദേഹങ്ങള്‍ പോസ്റ്റ്മോര്‍ട്ടത്തിനായി തിരുനല്‍വേലി ഗവണ്‍മെന്റ് ഹോസ്പിറ്റലിലേക്ക് മാറ്റി. സംഭവത്തില്‍ പോലീസ് വിശദമായ അന്വേഷണം ആരംഭിച്ചു.
source https://www.sirajlive.com/the-driver-fell-asleep-6-dead-after-car-collides-with-truck-in-tenkasi.html
Post a Comment