യാത്രക്കിടെ യുവതിയെ പീഡിപ്പിക്കാന്‍ ശ്രമം; ഓട്ടോ ഡ്രൈവര്‍ അറസ്റ്റില്‍

പത്തനംതിട്ട |  യാത്രയ്ക്കിടെ യുവതിയെ പീഡിപ്പിക്കാന്‍ ശ്രമിച്ച ഓട്ടോ ഡ്രൈവര്‍ അറസ്റ്റില്‍.പന്തളം തെക്കേക്കര പെരുമ്പുളിക്കല്‍ തട്ടയില്‍ അലീന കോട്ടേജില്‍ ബിനോയ് (46) ആണ് പോലീസിന്റെ പിടിയിലായത്. കഴിഞ്ഞമാസം 26ന് പുലര്‍ച്ചെ 4.15ന് മൈനാപ്പള്ളി ജങ്ഷനില്‍ എം സി റോഡ് വക്കില്‍ ഓട്ടോ നിര്‍ത്തിയശേഷമാണ് പീഡിപ്പിക്കാന്‍ ശ്രമിച്ചത്. പ്രതിയുടെ ഓട്ടോയില്‍ യാത്രചെയ്ത യുവതിയെ, വണ്ടി ഒതുക്കി നിര്‍ത്തിയിറങ്ങി കയ്യില്‍ കയറിപ്പിടിച്ചശേഷം ലൈംഗിക അതിക്രമത്തിന് മുതിരുകയായിരുന്നു, അശ്ലീലസംഭാഷണം നടത്തുകയും ചെയ്തു.

യുവതിയുടെ പരാതിയില്‍ പന്തളം പോലീസ് ഇന്‍സ്‌പെക്ടര്‍ ടി ഡി പ്രജീഷിന്റെ നേതൃത്വത്തില്‍ ഇന്നലെ രാത്രി പന്തളം ടൗണില്‍ നിന്നും ഇയാളെ പിടികൂടി. അടൂര്‍ കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്ത് കൊട്ടാരക്കര സബ് ജയിലിലാക്കി. എസ് ഐ വിനോദ് കുമാര്‍, എ എസ് ഐ മഞ്ജു മോള്‍ , സി പി ഓമാരായ പ്രകാശ്, രാജേഷ്, അജീഷ്, കൃഷ്ണന്‍ ഉണ്ണി, അന്‍ര്‍ഷ എന്നിവരാണ് അന്വേഷണ സംഘത്തില്‍ ഉണ്ടായിരുന്നത്.

 

source https://www.sirajlive.com/attempt-to-molest-young-woman-while-traveling-auto-driver-arrested.html