അബൂദബി | സംസ്‌കാരങ്ങള്‍ സംഗമിക്കുന്ന അബുദബി അന്താരാഷ്ട്ര പുസ്തക മേള നാഗരികതകള്‍ക്കും അന്താരാഷ്ട്ര സംഗമത്തിനും ഇടയിലുള്ള പാലമാണെന്ന് യുഎഇയിലെ ഈജിപ്ത് അംബാസഡര്‍ ഷെരീഫ് മഹമൂദ് ഈസ ഊന്നിപ്പറഞ്ഞു.
മറ്റുള്ളവരുമായുള്ള ആശയവിനിമയത്തിലൂടെ നമ്മെ വിഭജിക്കുന്നതിനുപകരം നമ്മെ ഒന്നിപ്പിക്കുന്നത് അന്വേഷിക്കുന്നതിലൂടെയും ജനങ്ങള്‍ക്കിടയില്‍ സമാധാന സംസ്‌കാരം പ്രചരിപ്പിക്കുന്നതിനുള്ള ഒരു കവാടമായി മേള മാറിയെന്ന് എമിറേറ്റ്‌സ് ന്യൂസ് ഏജന്‍സിക്ക് നല്‍കിയ പ്രസ്താവനയില്‍ ഇസ പറഞ്ഞു.
33-ാമത് അബുദാബി അന്താരാഷ്ട്ര പുസ്തകമേളയില്‍ ഈജിപ്തിനെ വിശിഷ്ടാതിഥിയായി തിരഞ്ഞെടുത്തതിനും ലോകപ്രശസ്ത എഴുത്തുകാരന്‍ നഗ്യൂബ് മഹ്ഫൂസിനെ ഈ വര്‍ഷത്തെ പുസ്തകമേളയുടെ വ്യക്തിത്വമായി തിരഞ്ഞെടുത്തതിനും യുഎഇക്ക് അദ്ദേഹം നന്ദിയും അഭിനന്ദനവും അറിയിച്ചു.
മേളയിലെ ഈജിപ്ഷ്യന്‍ പവലിയന്‍ വൈവിധ്യമാര്‍ന്ന സാംസ്‌കാരിക പരിപാടികള്‍, സെമിനാറുകള്‍, ചര്‍ച്ചാ പാനലുകള്‍, ഈജിപ്തിന്റെ സമ്പന്നവും വൈവിധ്യപൂര്‍ണ്ണവുമായ വിജ്ഞാന അടിത്തറയെ പ്രതിഫലിപ്പിക്കുന്ന ബൗദ്ധിക സംവാദങ്ങള്‍ എന്നിവയ്ക്ക് സാക്ഷ്യം വഹിക്കുന്നുണ്ടെന്ന് അദ്ദേഹം ചൂണ്ടിക്കാട്ടി.
source https://www.sirajlive.com/abu-dhabi-international-book-fair-bridge-between-civilizations-and-international-confluence-egypt-ambassador.html
إرسال تعليق