ഖവാലിയിൽ തുടർവിജയവുമായി മിശ്അലും സംഘവും

മഞ്ചേരി | സാഹിത്യോത്സവ് പ്രധാന വേദിയിലെ നിറഞ്ഞ സദസ്സിന് മുമ്പിൽ അരങ്ങേറിയ ആവേശകരമായ ജനറൽ ഖവാലി മത്സരത്തിൽ തുടർച്ചയായ രണ്ടാം വർഷവും വിജയിയായി മലപ്പുറം വെസ്റ്റ് ജില്ലയിലെ മുഹമ്മദ് മിശ്അലും സംഘവും. 2022ലെ സംസ്ഥാന സാഹിത്യോത്സവിൽ രണ്ടാം സ്ഥാനവും കഴിഞ്ഞ വർഷം ഒന്നാം സ്ഥാനവും ഈ ടീമിന് തന്നെയായിരുന്നു.

മുഹമ്മദ് സലീഖ്, അഹ്്മദ് മിദ്‌ലാജ്, മുഹമ്മദ് മുസ്തഫ, മുഹമ്മദ് നിഷാദ് എന്നിവരാണ് ടീമിലെ മറ്റ് അംഗങ്ങൾ. വേങ്ങര ചേറൂർ കാപ്പിൽ യൂനിറ്റിൽ നിന്നുള്ള പ്രവർത്തകരാണ്. ശിഹാബുദ്ദീൻ സഖാഫി വേങ്ങരക്ക് കീഴിലായിരുന്നു പരിശീലനം.
ഹബീബ് റഹ്്മാൻ കണ്ണൂർ രണ്ടാം സ്ഥാനവും നിഹാദ് കോഴിക്കോട്, അലീനാസ് കാസർകോട് ടീമുകൾ മൂന്നാം സ്ഥാനവും കരസ്ഥമാക്കി.

source https://www.sirajlive.com/mishal-and-his-team-continue-to-win-in-qawwali.html