കാസര്‍ക്കോട് | ദേളി താജുല്‍ ഉലമ സയ്യിദ് അബ്ദുറഹ്മാന്‍ അല്‍ ബുഖാരി ഉള്ളാള്‍ തങ്ങളുടെ 11ാം ആണ്ടും നൂറുല്‍ ഉലമ എം എ അബ്ദുല്‍ ഖാദിര്‍ മുസ്ലിയാരുടെ 10ാം ആണ്ടും സഅദിയ്യയില്‍ നടന്ന പ്രാര്‍ത്ഥന സംഗമത്തോടെ സമാപിച്ചു.
ജുമുഅ നിസ്‌കാര ശേഷം നടന്ന ഖത്മുല്‍ ഖുര്‍ ആന്‍ മജ്‌ലിസ് സയ്യിദ് ഇസ്മായില്‍ ഹാദി പാനൂറിന്റെ പ്രാര്‍ത്ഥനയില്‍ ആരംഭിച്ചു. രാത്രി നടന്ന അനുസ്മരണ പ്രാര്‍ത്ഥന സംഗമത്തില്‍ എ പി അബ്ദുല്ല മുസ്ലിയാര്‍ മാണിക്കോത്ത് അധ്യക്ഷത വഹിച്ചു. സയ്യിദ് പി എസ് ആറ്റക്കോയ ബാഹസന്‍ പഞ്ചിക്കല്‍ ഉദ്ഘാടനം ചെയ്തു, സയ്യിദ് സൈനുല്‍ ആബിദീന്‍ കണ്ണവം പ്രാരമ്പ പ്രാര്‍ഥനയും കെ പി ഹുസൈന്‍ സഅദി കെ സി റോഡ് അനുസ്മരണ പ്രഭാഷണവും നടത്തി.
പള്ളങ്കോട് അബ്ദുല്‍ ഖാദിര്‍ മദനി സ്വാഗതം പറഞ്ഞു. ഉബൈദുല്ല സഅദി നദ്വി, കുട്ടശ്ശേരി അബ്ദുല്ല ബാഖവി,കൊല്ലംബാടി അബ്ദുല്‍ ഖാദിര്‍ സഅദി, എം എ അബ്ദുല്‍ വഹാബ് തൃക്കരിപ്പൂര്‍, അബ്ദുല്‍ ഖാദിര്‍ സഖാഫി കാട്ടിപ്പാറ, അബ്ദുല്ല ഫൈസി മൊഗ്രാല്‍, ശാഫി ഹാജി കീഴുര്‍, ക്യാപ്റ്റന്‍ ശരീഫ് കല്ലട്ര, ഇസ്മായില്‍ സഅദി പാറപ്പള്ളി, അബ്ദുറഹ്മാന്‍ സഅദി തുവ്വൂര്‍, ബി എ അലി മൊഗ്രാല്‍, ഇബ്രാഹിം സഅദി വിട്ടല്‍, സൈഫുദ്ധീന്‍ സഅദി, ഇബ്രാഹിം സഅദി മുഗു, കെ എസ് മുഹമ്മദ് മുസ്തഫ, റസാക്ക് ഹാജി മേല്‍പറമ്പ്, ഖലീല്‍ മാക്കോട് എന്നിവര്‍ സംബന്ധിച്ചു. സയ്യിദ് ഹിബത്തുള്ള അല്‍ ബുഖാരി സമാപന പ്രാര്‍ത്ഥനക്ക് നേതൃത്വം നല്‍കി.
source https://www.sirajlive.com/remembrance-prayer-meeting-at-saadiyya.html
Post a Comment