2019 ലെ ക്രെയിന്‍ അപകടവുമായി ബന്ധപ്പെട്ട് പുതുക്കാട് പോലീസ് എടുത്ത കേസ് റദ്ദാക്കിത്തരാം എന്ന് പറഞ്ഞാണ് ഇയാള്‍ പണം തട്ടിയത്. ജിഗീഷിന്റെ സംഘത്തില്‍പെട്ട ഒരാള്‍ ക്രെയിന്‍ സര്‍വീസ് ഉടമസ്ഥനെ കാണുകയും തനിക്ക് പരിചയത്തിലുള്ള ഒരു സുപ്രീം കോടതി ജഡ്ജി ഉണ്ടെന്നും അദ്ദേഹം എല്ലാം ശരിയാക്കി തരുമെന്നും പറഞ്ഞ് വിശ്വസിപ്പിച്ചു. തുടര്‍ന്ന് ജിഗീഷ് ജഡ്ജി ചമഞ്ഞ് ബെന്‍സ് കാറില്‍ ടോള്‍ പ്ലാസക്ക് സമീപമെത്തി. ആദ്യ ഗഡുവായി അഞ്ചര ലക്ഷം രൂപ നേരിട്ട് കൈപ്പറ്റുകയും ചെയ്തു.
പിന്നീട് മറ്റൊരു ദിവസം ടോള്‍ പ്ലാസക്ക് സമീപത്ത് വച്ച് തന്നെ ബാക്കി ഏഴ് ലക്ഷം കൂടി വാങ്ങി. ഒരാഴ്ചക്കകം കേസ് റദ്ദാക്കിയതിന്റെ ഓര്‍ഡര്‍ കൈയില്‍ കിട്ടുമെന്ന് അറിയിച്ചു. എന്നാല്‍, ആഴ്ചകള്‍ പിന്നിട്ടിട്ടും വിവരമൊന്നും കിട്ടാതെ വന്നപ്പോള്‍ ക്രെയിന്‍ ഉടമ പോലീസില്‍ പരാതി നല്‍കുകയായിരുന്നു.
source http://www.sirajlive.com/2021/01/17/464967.html
Post a Comment