കൂത്താട്ടുകുളത്ത് കാര്‍ ചായക്കടയിലേക്ക് ഇടിച്ച് കയറി ഒരു മരണം

കൂത്താട്ടുകുളം | രാമപുരം-കൂത്താട്ടുകുളം റോഡില്‍ പെരുംകുറ്റിയില്‍ കാര്‍ നിയന്ത്രണംവിട്ട് ചായക്കടയിലേക്ക് ഇടിച്ചു കയറിയുണ്ടായ അപകടത്തില്‍ ഒരാള്‍ മരിച്ചു. ചായക്കടക്ക് മുന്നില്‍ ചായ കുടിച്ച് നില്‍ക്കുകയായിരുന്ന പെരുംകുറ്റി വലിയതിരയില്‍ മോഹനന്‍(65)ആണ് മരിച്ചത്.

നെടുമ്പാശേരിയില്‍ നിന്നു രാമപുരത്തേക്ക് പോവുകയായിരുന്ന കാറാണ് അപകടംവരുത്തിയത്.
അപകടത്തില്‍ തേക്കുംകാട്ടില്‍ പൈലിക്ക് പരുക്കേറ്റു. ഇയാളെ വിദഗ്ധ ചികിത്സയ്ക്കായി കോട്ടയം മെഡിക്കല്‍ കോളജ് ആശുപത്രിയിലേക്ക് മാറ്റി.

ഇന്ന് രാവിലെ 7.15 ഓടെയാണ് അപകടം. ചായക്കടയിലേക്ക് ഇടിച്ചുകയറിയ കാര്‍ സമീപത്തെ 10 അടി താഴ്ചയുള്ള തോട്ടിലേക്ക് മറിഞ്ഞു. കാര്‍ യാത്രികയായ സ്ത്രീക്ക് കാലിന് പൊട്ടലേറ്റിട്ടുണ്ട്. കാര്‍ ഡ്രൈവര്‍ക്ക് നസാര പരുക്കുകളോടെ രക്ഷപ്പെട്ടു

source http://www.sirajlive.com/2021/02/04/467374.html