കിഫ്ബിക്കെതിരായ ഇപ്പോഴത്തെ അന്വേഷണം തിരഞ്ഞെടുപ്പ് മുന്നില്‍ണ്ടാണ്. കിഫ്ബിക്കെതിരെ ഒരു ചുക്കും ചെയ്യാന്‍ ഇ ഡിക്കാവില്ല. കേന്ദ്രധനമന്ത്രി നിര്‍മല സീതാരാമന്‍ തിരഞ്ഞെടുപ്പ് പെരുമാറ്റചട്ടം ലംഘിച്ചു. ഇ ഡി ഉദ്യോഗസ്ഥരെ കേന്ദ്രധനമന്ത്രി രാഷ്ട്രീയ ആവശ്യത്തിന് ഉപയോഗിക്കുകയാണ്. കിഫ്ബി എന്ത് സ്ഥാപനമാണെന്ന് അറിയാത്തവരാണ് ഇ ഡി ഉദ്യോഗസ്ഥര്‍. രാജസ്ഥാനിലെ ബി ജെ പി നേതാവിന്റെ മകനാണ് കിഫ്ബിക്കെതിരെ അന്വേഷണം നടത്തുന്നത്. കേന്ദ്രം പറയുന്നതിന് അനുസരിച്ച് പ്രവര്‍ത്തിക്കുന്ന ഒരു കോമാളിക്കൂട്ടമായി ഇ ഡി ഉദ്യോഗസ്ഥര്‍ മാറി. കേരളത്തിലെ ഉദ്യോഗസ്ഥരെ സംരക്ഷിക്കാന്‍ സംസ്ഥാന സര്‍ക്കാറിന് അറിയാം. ഉദ്യോഗസ്ഥരെ അന്വേഷണത്തില്‍പ്പെടുത്തി മനോവീര്യം തകര്‍ക്കാമെന്ന് ആരും കരുതേണ്ട. കോണ്‍ഗ്രസല്ല ഇടതുപക്ഷമാണ് കേരളം ഭരിക്കുന്നത് ഇത്തരക്കാര്‍ ഓര്‍ക്കണം.
കിഫ്ബിക്ക് മസാല ബോണ്ട് നല്‍കാന്‍ അനുമതി നല്‍കിയത് ആര്‍ ബി ഐയാണ്. സി എ ജി എഴുതിവെച്ചത് പമ്പര വിഡ്ഡിത്തമാണ്. കെ പി സി സി സെക്രട്ടറിയുടെ വാദങ്ങളാണ് ഇ ഡി ഏറ്റെടുത്തിരിക്കുന്നത്.
ലൈഫ് മിഷനിലേത് പോലെ കിഫ്ബിയിലും യു ഡി എഫ് നിലപാട് മാറ്റേണ്ടിവരും. കേരളത്തിലെ സ്‌കൂളുകളും ആശുപത്രികളും വികസിപ്പിച്ചതാണോ കിഫ്ബി ചെയ്ത കുറ്റം. വടക്കേ ഇന്ത്യയില്‍ ഇ ഡിയെ ഉപയോഗിച്ച് കേന്ദ്രം നടത്തുന്ന കളി കേരളത്തില്‍ വേണ്ട്. തിരഞ്ഞെടുപ്പിന് മുട്ടാനാണ് ഭാവമെങ്കില്‍ കേരളം തയ്യാറാണ്. കേന്ദ്രത്തിന് മുന്നില്‍ ഒരിഞ്ച്‌പോലും തല കുനിക്കില്ലെന്നും ധനമന്ത്രി കൂട്ടിച്ചേര്‍ത്തു.
source http://www.sirajlive.com/2021/03/03/470817.html
إرسال تعليق