സംസ്ഥാനത്തെ അന്തിമ പോളിംഗ് ശതമാനം 74.06; കൂടുതല്‍ കുന്ദമംഗലത്ത്, കുറവ് തിരുവനന്തപുരത്ത്

തിരുവനന്തപുരം | നിയമസഭാ തിരഞ്ഞെടുപ്പിന്റെ അന്തിമ പോളിംഗ് ശതമാനം പുറത്തുവന്നു. സംസ്ഥാനത്ത് 74.06 ആണ് പോളിംഗ് ശതമാനം. കേരളത്തിലെ രണ്ട് കോടി 74 ലക്ഷം വോട്ടർമാരിൽ 2,03,27,893 വോട്ടർമാരാണ് വോട്ട് ചെയ്തത്.  ഇതിൽ 98,58,832 പുരുഷന്മാരും 1,04,68,936 സ്ത്രീകളും 115 ട്രാൻസ്ജൻഡേഴ്‌സും വോട്ട് ചെയ്തു.

കോഴിക്കോട് ജില്ലയിലെ കുന്ദമംഗലം നിയമസഭാ മണ്ഡലത്തിലാണ് ഏറ്റവും കൂടുതല്‍ പോളിംഗ് രേഖപ്പെടുത്തിയത് (81.52%) തിരുവനന്തപുരം മണ്ഡലത്തിലാണ് ഏറ്റവും കുറവ് പോളിംഗ് (61.85%). കഴിഞ്ഞ നിയമസഭാ തിരഞ്ഞെടുപ്പില്‍ 77.35 ശതമാനം പോളിങ് ആണ് രേഖപ്പെടുത്തിയത്. കഴിഞ്ഞ തവണത്തേക്കാൾ 3.1 ശതമാനം കുറവാണ് ഇത്തവണത്തെ പോളിംഗ്. 2016 ൽ  77.53 ശതമാനമായിരുന്നു പോളിംഗ്.

source http://www.sirajlive.com/2021/04/10/474799.html