വിശ്വാസികള്‍ തങ്ങളുടെ ഇബാദത്തുകള്‍ക്ക് കൂടുതല്‍ സമയം ചിലവഴിക്കണമെന്നും ആരാധനകള്‍ക്ക് സൃഷ്ടാവിന് മുന്‍പില്‍ ഉന്നതമായ സ്ഥാനങ്ങളാണുള്ളതെന്നും പ്രവാചക നഗരിയായ മദീനയിലെ മസ്ജിദുന്നബവിയിലെ ഇമാം ഡോ. ഹുസൈന്‍ ബിന്‍ അബ്ദുല്‍ അസീസ് അല്‍ അല്‍ ശൈഖ് പറഞ്ഞു. സൃഷ്ടാവിനോടുള്ള കടമയും , ഭക്തിയും നിലനിര്‍ത്താനും അദ്ദേഹം വിശ്വാസികളെ ഉണര്‍ത്തി.
അല്ലാഹുവിന്റെ വിധി വിലക്കുകള്‍ അനുസരിച്ച് ജീവിതം ധന്യമാക്കാനും റമസാനില്‍ നേടിയ ആത്മ വിശുദ്ധി കൈവിടാതെ സൂക്ഷിക്കുവാനും മക്കയിലെ മസ്ജിദുല്‍ ഹറം ഇമാം ഡോ. സഊദ് ബിന്‍ ഇബ്രാഹിം അല്‍-ഷുറൈം ഖുതുബയില്‍ ഉണര്‍ത്തി.
സുരക്ഷയുടെ ഭാഗമായി ഉംറ തീര്‍ത്ഥാടകര്‍ക്ക് മാത്രമാണ് മതാഫിലേക്ക് പ്രവേശനം അനുവദിച്ചിരുന്നത്. വിശുദ്ധ റമസാനില്‍ ഒരാള്‍ക്ക് ഒരു ഉംറ എന്ന പദ്ധതി നിലവില്‍ വന്നതോടെ ഈ വര്‍ഷം കൂടുതല്‍ ആഭ്യന്തര തീര്‍ത്ഥാടകരാണ് മക്കയിലെത്തി ഉംറ കര്‍മ്മം നിര്‍വഹിക്കുന്നത്.
source http://www.sirajlive.com/2021/05/07/478227.html
إرسال تعليق