രാജ്യത്ത് 41,649 പുതിയ കൊവിഡ് കേസുകള്‍; 593 മരണം

ന്യൂഡല്‍ഹി | ഇരുപത്തിനാല് മണിക്കൂറിനിടെ രാജ്യത്ത് 41,649 പുതിയ കൊവിഡ് കേസുകള്‍. എന്നാല്‍ കഴിഞ്ഞ ദിവസത്തെക്കാള്‍ ആറ് ശതമാനം കുറവാണിത്. 2.42 ആണ് ടി പി ആര്‍. 593 മരണങ്ങള്‍ റിപ്പോര്‍ട്ട് ചെയ്തതായും കേന്ദ്ര ആരോഗ്യ മന്ത്രാലം വ്യക്തമാക്കി. ഇതുവരെ രാജ്യത്ത് 4.23 ലക്ഷം കൊവിഡ് മരണങ്ങളാണ് ഉണ്ടായിട്ടുള്ളത്.

ഇന്നലെ വരെ 46 കോടി ഡോസ് വാക്സീനുകള്‍ വിതരണം ചെയ്തു.രാജ്യത്തെ 37 ശതമാനം സജീവ കൊവിഡ് കേസുകളും കേരളത്തിലാണ്. രാജ്യത്ത് ഇതുവരെ 3.15 കോടി പേര്‍ക്ക് കൊവിഡ് ബാധിച്ചു. രാജ്യത്തെ 85 ശതമാനം ജില്ലകളിലും അഞ്ച് ശതമാനത്തില്‍ താഴെയാണ് ടി പി ആര്‍. 4.08 സജീവ കേസുകളാണ് രാജ്യത്തുള്ളത്. ആകെ കേസുകളുടെ 1.29 ശതമാനമാണ് സജീവ കേസുകള്‍.
ഇന്നലെ മാത്രം 52 ലക്ഷം ഡോസ് വാക്സീനുകളാണ് കുത്തിവെച്ചത്.

source http://www.sirajlive.com/2021/07/31/491539.html