തിരുവനന്തപുരം | സംസ്ഥാനത്തിന്റെ വിവിധ ഭാഗങ്ങളില് മഴ വീണ്ടും കനക്കുന്നു. ഇന്ന് അതിശക്തമായ മഴക്ക് കാലാവസ്ഥാ കേന്ദ്രം സാധ്യത പ്രവചിച്ചിട്ടുണ്ട്. പത്തനംതിട്ട, ഇടുക്കി, കോട്ടയം ജില്ലകളില് ഓറഞ്ച് അലര്ട്ടുണ്ട്. തിരുവനന്തപുരം, കൊല്ലം, എറണാകുളം, തൃശൂര്, മലപ്പുറം എന്നിവിടങ്ങളില് യെല്ലോ അലര്ട്ട് പ്രഖ്യാപിച്ചു. തെക്കന് തമിഴ്നാടിന് സമീപം ചക്രവാതച്ചുഴി രൂപപ്പെട്ടതാണ് കനത്ത മഴക്ക് കാരണമായത്.
ശക്തമായ ഇടിമിന്നലും മണിക്കൂറില് 50 കിലോമീറ്റര് വേഗതയിലുള്ള കാറ്റിനും സാധ്യതയുണ്ട്. മലയോരമേഖലയിലും ദുരന്തസാധ്യതാ മേഖലകളിലും ജാഗ്രതാ നിര്ദേശം നല്കിയിട്ടുണ്ട്. മലയോര മേഖലയില് ശക്തമായ മഴ തുടരുകയാണ്. എറണാകുളം, തൃശൂര്, പാലക്കാട ജില്ലകളില് കനത്ത മഴ തുടരുകയാണ്.
source https://www.sirajlive.com/the-rain-was-heavy-again-orange-alert-in-three-districts-today.html
إرسال تعليق