കൊച്ചി | എറണാകുളം ഇടപ്പള്ളിയില്‍ മൂന്ന് നില കെട്ടിടത്തില്‍ തീപ്പിടുത്തം. ഇടപ്പള്ളി കുന്നുംപുറത്തെ മുകള്‍ നിലയില്‍ ലോഡ്ജും താഴെ ഹോട്ടലും പ്രവര്‍ത്തിക്കുന്ന കെട്ടിടത്തിനാണ് രാവിലെ 7.30ഓടെ തീപ്പിടിച്ചത്. തീയും പുകയും ശ്രദ്ധയില്‍പ്പെട്ടതോടെ മുകളിലത്തെ നിലയിലുള്ളവര്‍ തൊട്ടുതാഴെയുള്ള നിലയിലേക്ക് ചാടി രക്ഷപ്പെടുകയായിരുന്നു. ബാക്കിയുള്ളവരെ നാട്ടുകാര്‍ ചേര്‍ന്ന് രക്ഷപ്പെടുത്തി. തീപ്പിടുത്തത്തില്‍ ഏതാനും പേര്‍ക്ക് പരുക്കേറ്റതായാണ് റിപ്പോര്‍ട്ട്. എന്നാല്‍ ആരുടേയും പരുക്ക് ഗുരുതരമല്ല.
തീ നിയന്ത്രണ വിധേയമാക്കിയതായാണ് റിപ്പോര്‍ട്ട്. നാട്ടുകാരുടെ നേതൃത്വത്തിലാണ് രക്ഷാപ്രവര്‍ത്തനം നടന്നത്. വളരെ വൈകിയാണ് അഗ്നിശമന വിഭാഗം സ്ഥലത്തെത്തിയത്. എന്നാല്‍ ഏതാനും സമയങ്ങള്‍ക്കുള്ളില്‍ തീ നിയന്ത്രണ വിധേയമാക്കാന്‍ അഗ്നിശമന വിഭാഗത്തിന് കഴിഞ്ഞു.
source https://www.sirajlive.com/a-three-storey-building-caught-fire-in-kochi-edappally.html
إرسال تعليق