കൊച്ചി | സി പി എം എറണാകുളം ജില്ലാ സമ്മേളനത്തിന് ഇന്ന് കളമശേരി ആശിഷ് കണ്‍വെന്‍ഷന്‍ സെന്ററിലെ അഭിമന്യു നഗറില്‍ തുടക്കം. മഖ്യമന്ത്രി പിണറായി വിജയന്‍ പ്രതിനിധി സമ്മേളനം ഉദ്ഘാടനം ചെയ്യും. വിഭാഗീയത നിറഞ്ഞ മുന്‍കാലങ്ങളില്‍ നിന്ന് വ്യത്യസ്ഥമായി വിഭാഗീയതയൊട്ടുമില്ലാതെ ഒറ്റക്കെട്ടായാണ് സമ്മേളനത്തിന് തയാറെടുക്കുന്നതെന്നാണ് പാര്‍ട്ടി പറയുന്നത്. എന്നാല്‍ കഴിഞ്ഞ ജില്ലാ സമ്മേളനത്തില്‍ നിറഞ്ഞ് നിന്ന ചിലര്‍ പാര്‍ട്ടി അച്ചടക്ക നടപടി നേരിട്ടതിനെ തുടര്‍ന്ന് ഇത്തവണ ജില്ലാ സമ്മേളനത്തിലുണ്ടാകില്ല. ജില്ലയിലെ മണ്ഡലങ്ങളിലുണ്ടായി തിരഞ്ഞെടുപ്പ് പരാജയത്തെ തുടര്‍ന്നാണ് മുതിര്‍ന്ന നേതാക്കള്‍ക്കെതിരെയെടുത്ത നടപടിയുള്‍പ്പെടെ സമ്മേളനത്തില്‍ ചര്‍ച്ച ചെയും.
ജില്ലാസെക്രട്ടേറിയേറ്റിലും ജില്ലാ കമ്മറ്റിയിലും പുതുമുഖങ്ങളും ഇടംപിടിക്കും.
സര്‍ക്കാറിന്റെയും, മന്ത്രിമാരുടെയും പ്രവര്‍ത്തനങ്ങളും സമ്മേളനത്തില്‍ ചര്‍ച്ചയാകും. 16നാണ് സമാപനം. സംസ്ഥാന സമ്മേളന വേദിയും എറണാകുളം ആയതിനാല്‍ നേരത്തെയാണ് ജില്ലാ സമ്മേളനം പൂര്‍ത്തിയാകുന്നത്. കണ്ണൂര്‍ ജില്ലാ സമ്മേളം പൂര്‍ത്തിയായ ശേഷമാണ് എറണാകുളത്ത് സമ്മേളനം ആരംഭിക്കുന്നത്.
source https://www.sirajlive.com/cpm-ernakulam-district-convention-begins-today.html
Post a Comment