ഐ പി എല്‍; ആസ്‌ത്രേലിയ ഐ പി എല്‍; ആസ്ത്രേലിയ, ഇംഗ്ലണ്ട് താരങ്ങള്‍ പങ്കെടുക്കാനിടയില്ല

ന്യൂഡല്‍ഹി | ഐ പി എലില്‍ ആസ്ത്രേലിയ, ഇംഗ്ലണ്ട് താരങ്ങള്‍ പങ്കെടുക്കാനിടയില്ലെന്ന് റിപ്പോര്‍ട്ട്. ഐ പി എല്‍ നടക്കുന്ന സമയത്ത് തന്നെ അന്താരാഷ്ട്ര മത്സരങ്ങള്‍ നടക്കുന്നതിനാലാണ് ഇത്. മാര്‍ച്ച് 27നാണ് ഐപിഎല്‍ ആരംഭിക്കുക. മെയ് അവസാന വാരമാവും പ്ലേ ഓഫ് മത്സരങ്ങള്‍.

ആസ്ത്രേലിയയുടെ പാക്കിസ്ഥാന്‍ പര്യടനം മാര്‍ച്ച് 29നാണ് ആരംഭിക്കുന്നത്. ഏപ്രില്‍ അഞ്ചിന് അവസാനിക്കും. അതിനാല്‍ ഈ പര്യടനത്തില്‍ ഉള്‍പ്പെട്ടിട്ടുള്ള താരങ്ങള്‍ക്ക് ഐ പി എലിലെ ആദ്യ മത്സരങ്ങളില്‍ കളിക്കാന്‍ സാധിക്കില്ല.

ഇംഗ്ലണ്ട് താരങ്ങള്‍ക്കാണെങ്കില്‍ ഐ പി എലിലെ അവസാന മത്സരങ്ങളാണ് നഷ്ടമാവുക. ന്യൂസീലന്‍ഡിനെതിരായ ഇംഗ്ലണ്ടിന്റെ ടെസ്റ്റ് പരമ്പര ജൂണ്‍ രണ്ടിനാണ് ആരംഭിക്കുന്നത്. മെയ് അവസാന വാരമാവും ഐ പി എല്‍ നോക്കൗട്ട് മത്സരങ്ങള്‍ നടക്കുകയെന്നാണ് സൂചന. കിവീസിനെതിരായ ടെസ്റ്റിനായി ഇംഗ്ലണ്ട് താരങ്ങള്‍ക്ക് മെയ് അവസാന വാരം നാട്ടിലേക്ക് മടങ്ങേണ്ടതായി വരും. ജോ റൂട്ടും ബെന്‍ സ്റ്റോക്‌സും അടങ്ങുന്ന താരങ്ങള്‍ ഐ പി എല്‍ ലേലത്തില്‍ പേര് രജിസ്റ്റര്‍ ചെയ്യാന്‍ തയാറായിട്ടില്ലെന്ന സാഹചര്യവുമുണ്ട്.

 

source https://www.sirajlive.com/ipl-australia-and-england-players-are-unlikely-to-attend.html