ദേശാഭിമാനി മുന്‍ സീനിയര്‍ ന്യൂസ് എഡിറ്റര്‍ കെ എം അബ്ബാസ് നിര്യാതനായി

കോഴിക്കോട് | മുതിര്‍ന്ന മാധ്യമ പ്രവര്‍ത്തകനും ദേശാഭിമാനി മുന്‍ സീനിയര്‍ ന്യൂസ് എഡിറ്ററുമായ കക്കോടി പഞ്ചായത്ത് ഓഫീസിന് സമീപം കുന്നിന്‍ മുകളില്‍ കെ എം അബ്ബാസ് (72) നിര്യാതനായി. 1972ല്‍ പ്രൂഫ് റീഡറായാണ് ദേശാഭിമാനിയില്‍ എത്തിയത്. 1977ല്‍ സബ് എഡിറ്ററായി. കോട്ടയം, തൃശൂര്‍, കണ്ണൂര്‍, തിരുവനന്തപുരം, കോഴിക്കോട് യൂനിറ്റുകളില്‍ ന്യൂസ് എഡിറ്ററായും ചീഫ് സബ് എഡിറ്ററായും പ്രവര്‍ത്തിച്ചു. കക്കോടി പഞ്ചായത്തംഗമായും പ്രവര്‍ത്തിച്ചിട്ടുണ്ട്.

പരേതനായ മുഹമ്മദ് മാസ്റ്ററുടെയും (ബ്രൂക്ക്‌ബോണ്ട്) ആമിനയുടെയും മകനാണ്. ഭാര്യ: സക്കീന. മക്കള്‍: ശബ്‌നം, തബ്‌സം (ബഹ്‌റൈന്‍). മരുമകന്‍: യൂസുഫ് (ബഹ്‌റൈന്‍). സഹോദരങ്ങള്‍: സുഹ്‌റാബി, റസിയ, സജിത, ലത്വീഫ് എന്ന ബാബു, റിയാസ്, പരേതയായ ജമീല. ഖബറടക്കം ജുമുഅക്ക് ശേഷം കക്കോടി ജുമുഅത്ത് പള്ളിയില്‍.

 

source https://www.sirajlive.com/former-deshabhimani-senior-news-editor-km-abbas-has-passed-away.html