പത്തനംതിട്ട | സംസ്ഥാന ജൂനിയര്‍ വനിതാ ഹോക്കി ചാമ്പ്യന്‍ഷിപ്പ് ഇന്ന് മുതല്‍ ആറുവരെ ജില്ലാ സ്റ്റേഡിയത്തില്‍ നടക്കും. പത്തു ജില്ലകളില്‍ നിന്നുള്ള ടീമുകള്‍ പങ്കെടുക്കും. സംസ്ഥാന ഹോക്കി അസോസിയേഷന്‍ നേതൃത്വത്തിലാണ് മത്സരങ്ങള്‍ സംഘടിപ്പിക്കുന്നത്. സംസ്ഥാന ജൂനിയര്‍ ടീമിനെ ഈ ചാമ്പ്യന്‍ഷിപ്പില്‍ നിന്നും തിരഞ്ഞെടുക്കും. നാല് പൂളുകളായി തിരിച്ചാണ് മത്സരം.
ആദ്യ മത്സരത്തില്‍ ഇന്ന് രാവിലെ തൃശൂര്‍ മലപ്പുറത്തെ നേരിടും. രാവിലെ എട്ടിന് ജില്ലാ കലക്ടര്‍ ഡോ. ദിവ്യ എസ് അയ്യര്‍ പതാക ഉയര്‍ത്തും. ഉച്ചകഴിഞ്ഞ് മൂന്നിന് മന്ത്രി ജി ആര്‍ അനില്‍ ചാമ്പ്യന്‍ഷിപ്പ് ഉദ്ഘാടനം ചെയ്യും. ആറിന് ഉച്ചകഴിഞ്ഞ് 2.30ന് സമാപന സമ്മേളനത്തിന്റെ ഉദ്ഘാടനം മന്ത്രി വീണാ ജോര്‍ജ് നിര്‍വഹിക്കും.
source https://www.sirajlive.com/state-junior-women-39-s-hockey-championship-at-pathanamthitta.html
إرسال تعليق