കൊണ്ടോട്ടി | ഇബ്‌നു ഉമ്മി മഖ്തൂം ഇസ്ലാമിക് സ്റ്റഡി സെന്റര്‍, നീറ്റാണിമ്മല്‍ കാഴ്ചയില്ലാത്ത വിദ്യാര്‍ഥികള്‍ക്കായി സംഘടിപ്പിച്ച ത്രിദിന പഠന ക്യാമ്പ് സമാപിച്ചു. സംവാദം, കരിയര്‍ ഗൈഡന്‍സ്, കര്‍മശാസ്ത്രം തസവ്വുഫ് തുടങ്ങി പത്ത് സെഷനുകളിലായി നടന്ന ക്യാമ്പ് പി അബ്ദുറഹ്‌മാന്‍ മാസ്റ്റര്‍ കണ്ണൂര്‍ ഉദ്ഘാടനം നിര്‍വഹിച്ചു. ഇബ്‌റാഹീം ബാഖവി മേല്‍മുറി, മഅന്‍ സഖാഫി, ഡോ. ശാഹുല്‍ ഹമീദ്, ഹാഫിള് ഖയ്യൂം എന്നിവര്‍ വിവിധ സെഷനുകള്‍ക്ക് നേതൃത്വം നല്‍കി.
വ്യത്യസ്ത മേഖലകളില്‍ കഴിവ് തെളിയിച്ച വിദ്യാര്‍ഥികളെ പ്രത്യേകം അനുമോദിച്ചു. കാഴ്ചയില്ലാത്ത വിദ്യാര്‍ഥികളുടെ പാഠ്യ പാഠ്യേതര വിഷയങ്ങളിലുള്ള ഉന്നമനം ലക്ഷ്യമാക്കി പന്ത്രണ്ടു വര്‍ഷമായി പ്രവര്‍ത്തിച്ചു വരുന്ന ഈ സ്ഥാപനത്തിനു കീഴില്‍ ഒട്ടേറെ ജീവ കാരുണ്യ പ്രവര്‍ത്തനങ്ങളും നടത്തിവരുന്നു.
source https://www.sirajlive.com/the-i-summit-is-over.html
إرسال تعليق