കത്തിപ്പടര്‍ന്ന് ഹാര്‍ദിക്; ഉജ്ജ്വല വിജയവുമായി ടൈറ്റന്‍സ്

മുംബൈ | നായകന്റെ വെടിക്കെട്ടിന്റെ അകമ്പടിയോടെ ഗുജറാത്ത് ഉയര്‍ത്തിയ മികച്ച ടോട്ടലിനെ മറികടക്കാന്‍ രാജസ്ഥാന് സാധിച്ചില്ല. ഗുജറാത്ത് ടൈറ്റന്‍സ് മുന്നോട്ടുവച്ച 193 റണ്‍സ് ലക്ഷ്യത്തിലേക്ക് ബാറ്റേന്തിയ രാജസ്ഥാന്‍ റോയല്‍സ് 155ല്‍ ഇടറി വീണു. സ്‌കോര്‍: ഗുജറാത്ത് ടൈറ്റന്‍സ്- 192/4. രാജസ്ഥാന്‍ റോയല്‍സ്- 155/9.

തീ പാറുന്ന ബാറ്റിംഗ് പ്രകടനം കാഴ്ചവച്ച നായകന്‍ ഹാര്‍ദിക് പാണ്ഡ്യയാണ് കിടയറ്റ സ്‌കോറിലേക്ക് ഗുജറാത്തിനെ എത്തിച്ചത്. 52 പന്തില്‍ 87 റണ്‍സാണ് പാണ്ഡ്യ അടിച്ചുകൂട്ടിയത്. അഭിനവ് മനോഹര്‍ (28ല്‍ 43), ഡേവിഡ് മില്ലര്‍ (14ല്‍ 31) എന്നിവരും റണ്‍സ് വാരിക്കൂട്ടി. രാജസ്ഥാനു വേണ്ടി 24 പന്തില്‍ 54 റണ്‍സ് നേടി ജോസ് ബട്‌ലര്‍ പൊരുതിയെങ്കിലും വിഫലമായി. ഷിംറോണ്‍ ഹെറ്റ്മയര്‍ 17ല്‍ 29 നേടിയപ്പോള്‍ റിയാന്‍ പരാഗ് 16ല്‍ 18 റണ്‍സെടുത്തു.

 

source https://www.sirajlive.com/hardik-on-fire-the-titans-with-brilliant-success.html