തിരുവനന്തപുരം | മുട്ടത്തറയില്‍ ബൈക്ക് ഷോറൂമില്‍ തീപ്പിടിച്ചു.് 32 ബൈക്കുകള്‍ കത്തി നശിച്ചു. ഇരു ചക്രവാഹനങ്ങള്‍ വാടക്ക് നല്‍കുന്ന കടയിലാണ് തീപ്പിടുത്തമുണ്ടായത്. ഉദ്ഘാടനം നടക്കാനിരിക്കെയാണ് അപകടം. പുലര്‍ച്ചെ നാല് മണിയോടെയാണ് തീപ്പിടുത്തമുണ്ടായത്. റോയല്‍ ബൈക്ക് റെന്റല്‍ എന്ന ഷോറൂമിലാണ് തീപടര്‍ന്ന് കയറിയത്. അഗ്‌നിശമന സേനയെത്തി തീയണച്ചു.
ഷോര്‍ട്ട് സര്‍ക്യൂട്ടാണ് തീപിടുത്തത്തിന് കാരണമെന്നാണ് പ്രാഥമിക നിഗമനം.അഞ്ച് യൂണിറ്റ് ഫയർ ഫോഴ്സ് സ്ഥലത്തെത്തി തീയണച്ചു. ലക്ഷക്കണക്കിന് രൂപയുടെ നാശനഷ്ടമുണ്ടായതായാണ് പ്രാഥമിക നിഗമനം.പുതുതലമുറ ബൈക്കുകളാണ് കത്തിനശിച്ചവയിൽ ഏറെയും. സമീപത്തൊന്നും മറ്റ് കടകളില്ല. പുതിയ കെട്ടിടമാണ്. ജനാലകൾ തകർത്താണ് ഫയർ ഫോഴ്സ് തീയണച്ചത്.
source https://www.sirajlive.com/fire-at-bike-showroom-in-muttahida-32-bikes-were-destroyed-by-the-fire.html
إرسال تعليق