തിരുവനന്തപുരം | ഭരണഘടനക്കെതിരായ പരാമര്‍ശത്തിന്റെ പേരില്‍ സജി ചെറിയാന്‍ മന്ത്രിസ്ഥാനം രാജിവെച്ചതിന് പിന്നാലെയുള്ള സി പി എം സംസ്ഥാന സെക്രട്ടേറിയറ്റ് യോഗം ഇന്ന്. മന്ത്രിയുടെ പ്രസ്താവനയും തുടര്‍ന്നുള്ള രാഷ്ട്രീയ സാഹചര്യവും ചര്‍ച്ച ചെയ്യും. സജി ചെറിയാന്‍ രാജിവെച്ച ഒഴിവിലേക്ക് പുതിയ മന്ത്രി വേണമോ എന്ന കാര്യത്തിലും തീരുമാനമുണ്ടായേക്കും.
സജി ചെറിയാന്‍ എം എല്‍ എ സ്ഥാനവും രാജിവെക്കണമെന്ന് പ്രതിപക്ഷം ആവശ്യപ്പെടുന്നുണ്ടെങ്കിലും പാര്‍ട്ടി ആവശ്യം തള്ളുകയാണ്. മുഖ്യമന്ത്രി ഏറ്റെടുത്ത സജി ചെറിയാന്റെ വകുപ്പുകള്‍ നിലവിലെ ഏതെങ്കിലും മന്ത്രിക്ക് കൈമാറാനും സാധ്യതയുണ്ട്. മന്ത്രിയെന്ന നിലയില്‍ നല്ല പ്രവര്‍ത്തനമാണ് സജി ചെറിയാന്‍ നിര്‍വഹിച്ചതെന്ന വിലയിരുത്തലാണ് പാര്‍ട്ടിക്കുള്ളത്.
അതേസമയം ഭരണഘടനയെ അവഹേളിച്ചുവെന്ന പരാതിയില്‍ മുന്‍ മന്ത്രി സജി ചെറിയനെതിരായ കേസ് തിരുവല്ല ഒന്നാം ക്ലാസ് മജിസ്ട്രേറ്റ് കോടതി ഇന്ന് പരിഗണിക്കും. സജി ചെറിയനെതിരെ പൊലീസ് കേസെടുത്തതിന് പിന്നാലെയാണ് കേസ് ഇന്ന് വീണ്ടും പരിഗണിക്കുന്നത്.
source https://www.sirajlive.com/cpm-state-secretariat-today-2.html
Post a Comment