ചീരാലില്‍ ഭീതി പരത്തിയ കടുവ കൂട്ടില്‍ കുടുങ്ങി

വയനാട്  |  ചീരാലില്‍ വളര്‍ത്ത് മൃഗങ്ങളെ കൊന്നൊടുക്കി ഭീതി പരത്തിയ കടുവ കൂട്ടിലായി.തോട്ടാമൂല ഫോറസ്റ്റ് ഓഫീസിന് അടുത്ത് സ്ഥാപിച്ച കൂട്ടിലാണ് കടുവ കുടുങ്ങിയത്. 10വയസ് പ്രായം ഉള്ള ആണ്‍ കടുവയാണ് പിടിയിലായത്. കടുവയെ ബത്തേരിയിലെ പരിപാലന കേന്ദ്രത്തിലേക്ക് മാറ്റി. വെറ്ററിനറി ഡോക്ടര്‍മാര്‍ കടുവയ്ക്ക് പ്രാഥമിക ചികില്‍സ നടത്തും.

ചീരാലില്‍ ഒരു മാസത്തിനിടെ 13 വളര്‍ത്തു മൃഗങ്ങളെയാണ് കടുവ ആക്രമിച്ചത്.് കടുവയ്ക്കായി വനംവകുപ്പ് ദിവസങ്ങളായി തെരച്ചില്‍ നടത്തി വരികയായിരുന്നു. മുത്തങ്ങയില്‍ നിന്ന് കുങ്കി ആനകളെ എത്തിച്ച് പിടികൂടാന്‍ ശ്രമിച്ചെങ്കിലും അതും ഫലപ്രദമായില്ല. കടുവയെ കണ്ടെത്താന്‍ 18 നിരീക്ഷണ ക്യാമറകള്‍ സ്ഥാപിക്കുകയും മൂന്ന് കൂടുകള്‍ ഒരുക്കുകയും ചെയ്തിരുന്നു.

 

source https://www.sirajlive.com/the-tiger-who-spread-fear-in-chiral-got-stuck-in-the-cage.html