തൃശൂര്‍ | കുന്നംകുളം മരത്തങ്ങോട് മരമില്ലില്‍ വന്‍ തീപ്പിടുത്തം. ചൊവ്വന്നൂര്‍ സ്വദേശി ഹരിദാസിന്റെ ഉടമസ്ഥതയിലുള്ള മരതതംകോട് ക്രിസത്യന്‍ പള്ളിക്ക് സമീപത്തെ സൂര്യ വുഡ് ഇന്റസ്ട്രീസ് ആന്റ് ഫര്‍ണ്ണീച്ചര്‍ വര്‍ക്ക്സിലാണ് തീപ്പിടുത്തമുണ്ടായത്. തേക്ക്, ഈട്ടി മരങ്ങള്‍ ഉള്‍പ്പെടെ പൂര്‍ണമായും കത്തി നശിച്ചു.
ഇന്നലെ രാത്രി 12 മണിയോടെയാണ് സംഭവം. ഷോര്‍ട്ട് സര്‍ക്യൂട്ട് ആണ് തീപിടുത്തത്തിന് കാരണമെന്നാണ് സംശയം. കുന്നംകുളം, വടക്കാഞ്ചേരി, ഗുരുവായൂര്‍, തൃശൂര്‍ എന്നീ ഫയര്‍ സ്റ്റേഷനുകളില്‍ നിന്നായി ഏഴ് യൂണിറ്റ് ഫയര്‍ഫോഴ്സ് എത്തി രണ്ട് മണിക്കൂറിലധികം സമയമെടുത്താണ് തീയണച്ചത്. ഏകദേശം ഒരു കോടിയോളം രൂപയുടെ നഷ്ടമുണ്ടായെന്നാണ് കണക്കാക്കുന്നത്.
source https://www.sirajlive.com/a-huge-fire-broke-out-in-a-wood-mill-in-kunnamkulam.html
إرسال تعليق