മൊഹാലി | ശുഭ്മാന്‍ ഗില്‍ വന്‍ മരം പോലെ മുന്നില്‍ നിന്ന നയിച്ച മത്സരത്തിൽ പഞ്ചാബ് കിംഗ്‌സിന് ആറ് വിക്കറ്റ് പരാജയം. ഓപണറായി ഇറങ്ങിയ ഗില്ലിന്റെ മനോഹര ഇന്നിംഗ്‌സാണ് ഗുജറാത്ത് ടൈറ്റന്‍സിന് വിജയം നേടിക്കൊടുത്തത്. 49 പന്തിൽ 67 റണ്‍സാണ് ഗില്‍ എടുത്തത്.
സ്കോർ: കിംഗ്സ് ഇലവൻ പഞ്ചാബ് 20 ഓവറിൽ എട്ട് വിക്കറ്റിന് 153. ഗുജറാത്ത് ടൈറ്റൻസ്: 19.5 ഓവറിൽ നാല് വിക്കറ്റിന് 154.
ഗില്ലും വൃധിമാന്‍ സാഹയും ചേര്‍ന്ന് ഓപണിംഗ് കൂട്ടുകെട്ടില്‍ 4 ഓവറില്‍ 48 റണ്‍സാണ് അടിച്ചുകൂട്ടിയത്. എന്നാല്‍, 19 ബോളില്‍ 30 റണ്‍സ് നേടിയ സാഹ പുറത്തായതോടെ കൂട്ടുകെട്ട് തകര്‍ന്നു. തുടര്‍ന്നെത്തിയ സായ് സുധര്‍ഷനും (19) നന്നായി കളിച്ചു.
അവസാന ഓവറില്‍ സാം കുറന്‍ ഗില്ലിന്റെ വിക്കറ്റ് തെറുപ്പിച്ചെങ്കിലും വിജയം നാല് ബോളില്‍ ആറ് റണ്‍സ് എന്ന നിലയില്‍ സുനിശ്ചിതമായിരുന്നു.
പിന്നീട് ഡേവിഡ് മില്ലറും രാഹുല്‍ തെവാതിയയും ചേര്‍ന്ന് ടീമിനെ വിജയത്തിലെത്തിക്കുകയായിരുന്നു. 19.5 ഓവറിൽ സാം കുറനെ ബൗണ്ടറി കടത്തിയാണ് തിവാത്തിയ വിജയ റൺ കുറിച്ചത്.
source https://www.sirajlive.com/punjab-falters-in-front-of-gilattam.html
إرسال تعليق