തൃശൂര്‍ | ചേര്‍പ്പിലെ ആള്‍ക്കൂട്ട കൊലക്കേസിലെ ഒന്നാം പ്രതി മുംബൈയില്‍ അറസ്റ്റില്‍. ചേര്‍പ്പിലെ സ്വകാര്യ ബസ് ഡ്രൈവര്‍ സഹറിനെ കൊലപ്പെടുത്തിയ കേസിലെ പ്രതി രാഹുലാണ് അറസ്റ്റിലായത്. ഗള്‍ഫില്‍ നിന്ന് മുംബൈയില്‍ വിമാനമിറങ്ങിയ രാഹുലിനെ എമിഗ്രേഷന്‍ ഉദ്യോഗസ്ഥര്‍ പിടികൂടുകയായിരുന്നു. ഇയാളെ തിങ്കളാഴ്ച തൃശൂരില്‍ എത്തിക്കും.
സഹറിനെ മര്‍ദിക്കാന്‍ പദ്ധതിയിട്ടത് രാഹുലായിരുന്നു. ചേര്‍പ്പ് സ്വദേശിയാണ് രാഹുല്‍. വനിതാ സുഹൃത്തിനെ കാണാന്‍ അര്‍ധരാത്രി വീട്ടില്‍ വന്നപ്പോഴായിരുന്നു സഹറിന് നേരെ ആക്രമണം നടന്നത്. സംഭവത്തില്‍ ഒമ്പത് പ്രതികള്‍ ഇതിനകം പിടിയിലായിട്ടുണ്ട്.
പോലീസിന്റെ നിരന്തര സമ്മര്‍ദത്തിനൊടുവിലാണ് രാഹുല്‍ വിദേശത്ത് നിന്ന് മടങ്ങിയത്. രാഹുലിനെതിരെ ലുക്കൗട്ട് നോട്ടീസ് പുറപ്പെടുവിച്ചിരുന്നു.
source https://www.sirajlive.com/bus-driver-39-s-murder-1st-accused-arrested-in-mumbai.html
إرسال تعليق