പുല്‍പ്പള്ളിയില്‍ വീണ്ടും കടുവയിറങ്ങി; കണ്ടത് വീട്ടുവളപ്പില്‍

മാനന്തവാടി | പുല്‍പ്പള്ളിയില്‍ വീണ്ടും കടുവയിറങ്ങി. ആശ്രമക്കൊല്ലി ഐക്കരക്കുടിയില്‍ എല്‍ദോസിന്റെ വീട്ടുവളപ്പിലാണ് കടുവയെ കണ്ടത്. എല്‍ദോസിന്റെ പശുക്കിടാവിനെ കടുവ പിടികൂടി.

ശബ്ദം കേട്ട് വീട്ടുകാര്‍ പുറത്തിറങ്ങിയപ്പോള്‍ കടുവ ചാണകക്കുഴിയില്‍ വീണു. ഇവിടെ നിന്ന് സമീപത്തെ തോട്ടത്തിലേക്കു കയറിപ്പോയി.

കടുവയെ വീട്ടുകാര്‍ കണ്ടു. കാല്‍പ്പാടുകള്‍ വ്യക്തമായി പതിഞ്ഞിട്ടുമുണ്ട്. ഇന്നലെ സമീപപ്രദേശത്തു നിന്ന് കടുവ കന്നുകാലിയെ കൊന്നു തിന്നിരുന്നു.

source https://www.sirajlive.com/the-tiger-came-down-again-in-pulpalli-seen-at-home.html