ലോക്‌സഭാ തിരഞ്ഞെടുപ്പ്: കേരളത്തിലെ കോണ്‍ഗ്രസ് സ്ഥാനാര്‍ഥികളെ ഇന്ന് പ്രഖ്യാപിക്കും

തിരുവനന്തപുരം | കേരളത്തില്‍ ലോക്‌സഭാ തിരഞ്ഞെടുപ്പിനുള്ള കോണ്‍ഗ്രസ് സ്ഥാനാര്‍ഥികളെ ഇന്ന് പ്രഖ്യാപിക്കും. 16 മണ്ഡലങ്ങളില്‍ മത്സരിക്കുന്ന സ്ഥാനാര്‍ഥികളെയാണ് പ്രഖ്യാപിക്കുക. കേരളത്തില്‍ ‘സര്‍പ്രൈസ്’ സ്ഥാനാര്‍ഥികള്‍ ഉണ്ടാകുമെന്ന് പ്രതിപക്ഷ നേതാവ് വി ഡി സതീശന്‍ പറഞ്ഞു. 20 മണ്ഡലങ്ങളിലെ യു ഡി എഫ് സ്ഥാനാര്‍ഥികളും നാളെ പ്രചാരണത്തിനിറങ്ങും.

മുന്നണിയിലെ മുസ് ലിം ലീഗ്, ആര്‍ എസ് പി സ്ഥാനാര്‍ഥികളെ നേരത്തെ പ്രഖ്യാപിച്ചിരുന്നു. ലീഗില്‍ നിന്ന് ഇ ടി മുഹമ്മദ് ബഷീര്‍ മലപ്പുറത്തും അബ്ദുസമദ് സമദാനി പൊന്നാനിയിലും ജനവിധി തേടും.

കേരള കോണ്‍ഗ്രസിന് അനുവദിച്ച കോട്ടയം സീറ്റില്‍ ഫ്രാന്‍സിസ് ജോര്‍ജാണ് മത്സരിക്കുന്നത്. കൊല്ലത്ത് എന്‍ കെ പ്രേമചന്ദ്രനാണ് മുന്നണി സ്ഥാനാര്‍ഥി.

 

source https://www.sirajlive.com/lok-sabha-elections-kerala-congress-candidates-to-be-announced-tomorrow.html